28-12-2007

祝我生日快樂~*

回歸自兩日一夜中山溫泉團
27號大清早出發
結果早一個晚上到cafe食野睇漫畫等通頂無訓到哈哈
未出發先眼訓
兩日行程不停坐車
省卻了無聊的行程
其餘的浸溫泉嬉水賽車時間都好好玩
多謝大家又要陪我過生日
第三年喇~
為免大家覺得悶....
下年生日我會避開大家o架喇哈哈~
多謝谷堅同阿然o既禮物
仲有要特別鳴謝阿傑兩日來車上保母式照顧(幫我袋住d野~)
最開心o既時間就係夜晚啤牌遊戲時間
個個都進入瘋狂狀態
笑到瘋o左""
不過可能浸左溫泉大家都累了
又可能係我呢個壽星女唔夠吸引力
12點幾已經一pair一pair的入哂房訓
無o左以前去旅行一大班人一間房玩o個支歌仔唱lu...
第二日行程無o拿o拿改o左 加上塞車
搞到我返唔到去練波...

要感激搞手阿然幫我o地預備咁多野~!

一返到香港就收到好多朋友仔sms
多謝哂^^

無電腦用真係好麻煩o既一件事
考完試都係拿拿臨拎去整喇

考埋聽日就真正考完lu
不過好似無咩感覺咁=.=
因為我上星期已經當自己考完喇~~
又練波又做helper又做球証...哈哈

上星期去o左做disabled o既陸運會
第一次接觸咁多智障人士
同SRL o既同學吹下水
知道原來同佢地接觸真係有好多學問
雖然我地全日o既工作係hea左少少...
不過又識多o左野喇~!!

星期六雖然無去到睇翠玲比賽
不過我都過o左去join佢地食晚飯
亂咁吹下水~~
咁就兩個幾鐘喇~哈哈~
翠玲就走喇
要俾心機練劍同比賽呀~~

星期六日都係球証日
星期日最勁
學界完左就由天瑞飛過去屯門區賽
我竟然識得搭輕?轉西?再轉輕?
唔該哂Ling細佬~~
雖然係決賽 不過一個Grade 2都無 都咪話唔驚
我同大頭企足三場
第一場男子青年組...但打224網
o個o個都棟哂釘-o-
我仲吹左一球腳板底掂網....真係幾誇張都有~
第二場"神鵰"個班佬真係非常之無質素...唉~
咩都嘈一餐.....
第三場決賽 終於到我上first喇...
隆宬 vs 仁濟
好一場甲組水平o既比賽
嘩.....鬼死咁多人睇
d球速又鬼死咁快
都有d唔firm 而俾人嘈...不過整體都尚可接受哇(哈哈"")
感覺好刺激呀~
又創自己上first最高水平賽事o既紀錄喇

完哂比賽....五點三
終於記得自己除左朝早九點o個腿旦包之外
原來未食野......

我的電腦....死了.....

傷心.....

系際排球終於完結喇
PERM男女都係亞軍
女仔決賽對CIE
雖然戰敗而回~
不過成場波都打得好開心~
氣氛又好士氣又好
細佬隻手打到"不舉"都仲要繼續打~
o個個都打得好放~ 有超水準表現~
所以無論結果羸定輸 我都打得好開心~
近來打波都麻麻地愉快
呢兩場系際的確俾到d refresh o既感覺我
原來enjoy比賽係咁重要!

仲有PERM打氣團~ good job~!
有好多自己屆o既同學黎捧場~
下年你地走埋 真係無咩呢d機會lu~

之後犀利喇
排球隊同成班PERM人唱生日歌俾細佬聽
威哂啦你~
食食下蛋糕竟然變o左蛋糕混戰
我o既耳仔再次被塞滿cream....
哈哈哈...玩到顛o左~~

如果U-Team比賽都有咁好士氣
唔知會唔會打得更好呢~?